MEAT 肉類
OTHERS 其他
HOMEMADE 自家製即食
肉奴唔係凍肉佬起家
肉奴唔係由凍肉批發商開始
由健身營養餐到食材供應，肉奴一路都係由解決真實問題開始。
因為我哋自己都係消費者。我哋唔係一般凍肉佬，我哋都係玩健身嘅朋友，都係關注飲食嘅人。
你哋想要咩，我哋會知；你哋介意咩，我哋會明。
健益坊成立
持有食品製造廠牌照，專門為修身、健身人士提供營養餐。服務遍佈港九新界超過 5,000 位客戶，包括 AGA、Gin Lee、周柏豪、孫澦等。
成立 Mealthy Mart
為講究健康飲食嘅客戶搜羅各國優質食材，希望大家可以用貼地價錢買到真正高品質產品。由呢個階段開始，我哋發現大家唔止想買餐，更想買到好食材。
正式改名 HKMEATLO 肉奴
今時今日嘅肉奴已經唔再停留喺減肥餐。食得健康，同時都可以新鮮好味。由切割、分裝、急凍到即食產品、調味料，我哋一直開發新產品，令健康飲食變得更容易。
每個人嘅需求都唔同
以為健康飲食就係雞胸、西蘭花、水煮餐？
做健身營養餐起家嘅我哋話你知，其實唔係。
健身圈朋友一定知，每個階段需要嘅完全唔同，仲有追求運動表現嘅朋友。
增肌期
瘦底人士想增肌，需要食多啲蛋白質同卡路里，但唔代表亂食。蛋白質係王道，但碳水化合物同脂肪都同樣重要。食得夠，先練得大。
減脂期
想減重就要控制熱量，但又唔想犧牲蛋白質份量。精瘦部位、計到 Macro 嘅食材，幫你食得飽又食得啱。
放工後備餐
雞胸、牛肉要慢煮、要炆得耐先好食。我哋有即食雞胸、肉丸、牛堡等產品，幫你慳返準備同煮食時間。
跑步 / CrossFit / 球類
每種運動對營養需求都唔同。恢復、補充能量、維持肌肉量，每一環都影響表現。食得啱，先發揮得更好。
一家人都食得開心
健康飲食唔一定係自己一個食雞胸。靚牛扒、三文魚、火鍋片、即食產品，同屋企人一齊食都一樣方便好味。健康飲食，應該融入生活。
我哋研究嘅，唔止係肉
買肉好似好簡單，但買得多就會發現好多細節。而呢啲細節，正正就係品質嘅關鍵。
工場設備
幫你慳返準備時間
雞胸要慢煮先嫩滑。牛肉要炆得夠耐先入味。漢堡扒自己搓又花時間。
有好多嘢其實唔難煮，不過真係麻煩。我哋明。所以研發即食同半製品系列，幫大家慳返準備同調味時間。
即食雞胸賣到成行成市，其實原因好簡單 — 因為大家都想食得好，但未必有時間慢慢煮。不過我哋點會淨係得雞胸。由肉丸、牛堡、雞堡，到封門柳、牛展飯、高蛋白炒飯，我哋一直開發更多產品。
仲有更多
唔止賣肉，我哋幫你計埋數
做過健身營養餐，你就會知道 Macro 有幾重要。所以我哋一直堅持提供清晰營養資料。
一眼睇清
蛋白質、脂肪、熱量清晰標示。無論增肌、減脂定控制飲食，都唔使靠估。
真正嘅成本
唔同部位、唔同食材，蛋白質含量各有不同。對健身人士嚟講，蛋白質先係真正嘅成本，唔係單看每公斤價錢。
唔係淨係話你知平唔平
蛋白質有幾多？脂肪比例係幾多？適合增肌定減脂？值唔值得放入每日餐單？因為我哋由健身營養餐開始。
我哋更加關心：呢件嘢值唔值得食？
由工場到你張枱
大量生產
預製大批量餐點，供應健身中心、餐廳及團體客戶。
Large-scale pre-cooked, portion-controlled meals for gyms, restaurants, and groups.
冷凍即食 / 即煮
多款冷凍即食及即煮產品。方便、快捷、穩定。
A wide selection of frozen ready-to-eat or ready-to-cook products for everyday convenience.
活動定制訂單
活動、餐飲、節日大型訂單，靈活配合不同需求。
Flexible large orders for events, catering services, and seasonal demands.
薄利多銷，慳得一蚊得一蚊
食肉真係唔平。尤其有做運動、需要高蛋白飲食嘅朋友，一個月開支差好遠。
我哋一直相信：薄利多銷聽落好老土，但確實係最實際。慳到一蚊，就留返一蚊畀客人。