Gym房大隻佬

快樂嘅脂包肌

點解你練咗咁耐，身形還是差少少？

健身房入面有一種人好常見。佢有操、有飲蛋白粉、有食肉，甚至比一般人更注重飲食。

但身形總係差少少。明明有肌肉，偏偏又有肚腩。明明著衫睇落幾壯，除咗衫又唔夠線條。跟住就成為左快樂既脂包肌。

唔係訓練量唔夠，唔係蛋白質食少咗。係你根本冇留意自己每日食緊啲乜。見到有肉就覺得都OK，但蛋白質食到，脂肪同熱量亦一齊食埋。肌肉一路練，脂肪一路儲。

好多人以為自己有操開——燒嘅多過食嘅，理應瘦。但係出咗力，肚餓，覺得今日有操，條線自然鬆咗。

你唔知嘅係——

一個鐘gym先燒 300–400 kcal，訓練後一個唔小心，已經食返晒甚至超標。仲未計去gym路上順手買咗杯珍珠奶茶。

就算平日控制到，週末放鬆兩日，計返一個禮拜又係赤字清零，原地踏步。唔係你唔夠自律，係你冇留意條數係咁計嘅。

有人話：「我有自己煮，梗係健康過外賣。」買哂雞胸西蘭花黎煮係岩，但調味同醬汁係另一回事。

你以為食緊清淡雞胸，加埋醬計，熱量同鈉質已經超標一截。自煮本身係好事，可以係享受嘅過程。問題唔係自煮，而係你用緊咩去調味。

自煮另一個問題係食材本身。去街市買牛肉碎，你唔知入面有幾多脂肪，隨便買，20% fat 唔出奇。

同樣g數，跟人地食譜用牛肉碎黎炒個飯結果：脂肪差距係四倍。所以我地肉奴有賣無激素雞碎、自家搓牛堡雞堡、自家切板腱同三文魚柳——經我地自家製或者挑選過擺出黎賣既都係健身人士至愛，唔係包裝靚就算。

當你係肉奴到買入屋嘅食材本身已經篩選過，就算煮法簡單，都唔會差得太遠。

自煮係理想狀態。但現實係有時你加完班，返到屋企九點，仲要煮飯？呢個時候唔係意志力問題，係你根本冇選擇——最後叫外賣，或者亂食一通。

所以屋企常備幾包即食食品，唔係懶，係聰明。雞胸、封門柳、三文魚、蒜蝦——翻熱三分鐘，一餐搞掂。唔洗諗，唔洗計，唔會因為肚餓而亂食。

備餐唔一定要每週煮幾個鐘。有時係一包放係雪櫃嘅即食食品，令你唔會在最餓嗰一刻做錯決定。